Unlucky in love
Ég gerði grundvallarmistök tilhugalífsins í gær. Þá sótti ég skötuveislu í heimahúsi og fór svo rakleiðis á kjötmarkaðinn niðrí bæ. Þar skutust stúlkur af mér eins og rakettur.
Við komu í leigubíl í gær var ein versta prumpufýla sem ég hef fundið. Leigubílstjórinn var íturvaxinn, með opinn bílgluggann og greinilega búinn að leysa eitthvað meira en krossgátu. Maður heyrði hann anda í gegnum nefið á leiðinni. Það þorði enginn að segja neitt við prumpufýlunni. Enda hvað átti ég svo sem að segja, löðrandi í skötufnyk. Ég verð þó að segja að lyktin af mér var skárri.