Offituvandi víða
Það er ekki bara mannfólkið í hinum vestræna heimi sem sífellt blæs meira út heldur er staðan orðin það slæm að jólatré eiga í auknum mæli við offitu að stríða. Þetta kom í ljós í nýlegri rannsókn Dr. Julie Andrews við Kólumbíu háskólann en hún hefur rannsakað ummál jólatrjáa um áraraðir. Samkvæmt hennar niðurstöðum hefur meðal rúmmál jólatrjáa aukist um ríflega 4 cm á síðustu þremur árum. "Þetta er ógnvænleg þróun og helst nokkuð í hendur við svipaðar tölur hjá mannfólkinu" sagði Julie í viðtali við CNN í morgun. Orsök þessa vanda er óljós en sumir vilja meina að tréin séu einfaldlega að éta meiri mold en áður og að í jarðveginum sé sífellt meira af hitaeiningum. Einnig vekur nokkra athygli að McDonalds skyndibitakeðjan hefur hafið framleiðslú á jarðvegi sem hefur víst slegið í gegn. Gengur þessi nýjasta vara undir heitinu McDirt. Fréttaritari Endurvinnslunar fór á stjá í dag til að kanna þetta og segir hann þetta vera augljóst að tréin hafi fitnað til muna og þetta sé vandamál sem verði að sporna við. "Heilsa trjánna er ekki góð um þessar mundir og hefur víða greinst sykursýki í trjám ásamt því að sum missa lauf fyrr en áður" sagði Thor Th. Hjartarson fréttaritari Endurvinnslunnar.
This entry was posted on föstudagur, desember 17, 2004 at 3:56 e.h.. | You can skip to the end and leave a response. 
