Jólaleikur Endurvarpsins
Jæja þá er komið að því að verðlauna þá sem lesa þessa síðu og hlusta á Varpið. Í gang er farinn leikur þar sem vinningur er geisladiskur sem sendur verður í ábyrgðapósti til vinningsahafans þann 21. Des. Ekki amarlegt að geta hlustað á einhverja hressandi tónlist á meðan maður tekur til og bakar piparkökur. Það verður nokkurt val fyrir vinningshafann, ég mun ekki senda eitthvað sem ég hef bara gaman af. Ég hef þó meiri aðgang að erlendri tónlist en eitthvað íslenskt gæti verið möguleiki. Og jú þetta er skrifaður diskur en allt verður gert til að gera hann sem glæsilegastan, hann verður með koveri, lagalista og alles. Gaman væri ef viðkomandi sendi mér síðan gagnrýni á gripnum sem birtist þá á síðunni en ekki ætla ég að neyða neinn til þess. Það er því engin ástæða til að vera ekki með í þessum al-hressa leik. Ef tæknin stríðir mér ekki þá ætti drátturinn jafnvel að fara fram í beinni útsendingu á Endurvarpinu þann 20. des. Þetta verður þá í fyrsta sinn í sögunni sem slíkur gjörningur fer fram. Allt sem þú þarft að gera er að senda emil á hjalmara@hi.is með nafni og heimilisfangi eða að skrá þig í commentakerfið hér að neðan. Þessi leikur er fyrir alla. Endurvarpið - gefur tónlist.
This entry was posted on fimmtudagur, desember 09, 2004 at 1:16 f.h.. | You can skip to the end and leave a response. 
