Seinfeld á DVD
Friends heitir ein þáttaserían sem er geigvænlega vinsæl meðal unga fólksins. Sjálfur hef ég aldrei almennilega fílað þetta þó ég viðurkenni að ég horfði á þónokkra þætti hér á árum áður. Þegar maður er umkringdur Friends fíklum þá reynist jafnan erfitt að komast hjá því að horfa allavega eitthvað smá á þetta. Það sem mér finnst verst við þessa Friends þætti er hvað persónurnar líta óeðlilega vel út. Þetta er hálfpartinn eins og að horfa á fataauglýsingar eða tískusýningu, bara með fyndni. Ég kaupi þetta bara ekki. Mér finnst fólk sem þarf að líta fullkomnlega út ekkert fyndið. Það er ekki lose, það er að reyna að vera eitthvað sem það er ekki, því það er enginn svona, þetta er einhver ímynd sem er ekki til sem einhver tískujöfur skapaði í hausnum á sér.
Pointið mitt er að ég vel hiklaust gamanþáttaseríuna Seinfeld fram yfir Friends. Í Seinfeld eru persónurnar mun meira lose, klæða sig eins og raunverulegt fólk og nota frekar lítið gel. Eina kvenpersónan í þáttaröðinni, Elaine er afskaplega aðlaðandi kvenmaður, er ekki uppklædd í einhver tískuföt og jafnframt lose og ekki má gleyma, drepfyndin!
Það er alltaf einhver sprenghlægileg atburðarrás í þessum þáttum þar sem Seinfeld, George, Kramer og Elaine fara mikinn í ærslalátum og sprelli. Nú eru fyrstu þrjár seríurnar komnar á DVD (allavega á Play.com) og mun ég tryggja mér eintak af fyrstu tveimur. Ég tími ekki alveg að kaupa mér pakkann með þrem seríum, læt þetta duga í bili. Seinfeld ræður.
This entry was posted on mánudagur, nóvember 01, 2004 at 3:25 e.h.. | You can skip to the end and leave a response. 
