Ný plata frá Snow Patrol
Snjógæslumennirnir eru vinsælir þessa dagana, gagnrýnendur eru flestir jákvæðir í garð þeirra ásamt því að almúginn verslar sér plötuna þeirra í bílförmum. Fyrsti singullinn af plötunni Eyes open "You're all I have" er vinsælt á útvarpsstöðvum og búast má við fleirum vinsælum lögum af þessari plötu. Ég hef rennt yfir gripinn, reyndar aðeins einu sinni og því verður umsögn mín ef til vill ekki marktæk. En tónarnir sem Snjómennirnir moka í mann á plötunni voru ekkert sérstaklega að þýða mitt ískalda hjarta. Einhvern veginn þá finnst mér full mikið verið að stimpla inn á Coldplay yfirráðasvæðið og engin tilraun gerð til að skapa eitthvað ferskt. Snow Patrol eiga eftir að verða enn vinsællri eftir þessa plötu en áður, og samkvæmt plötunni þeirra, er það nákvæmlega það sem þeir ætluðu sér.
This entry was posted on laugardagur, maí 13, 2006 at 7:36 e.h.. | You can skip to the end and leave a response. 
