Slys um áramót
Nú senn gengur nýtt ár í garð og við það tækifæri munu margir dýfa kartöfluflögum í þartilgerðar ídýfur. Þetta getur verið varhugavert og full ástæða til að hvetja fólk til að fara varlega þegar þessi athöfn er framkvæmd. Síðustu áramót voru skráð hjá slysadeild landspítalans um 20 atvik sem má rekja beint til þess að fólk fór of geist í að dýfa flögu í ídýfuskálina. Þetta gerist þannig að úlnliðurinn beygist um of og í slíkum aðstæðum getur orðið alvarleg tognun í liðnum. Þetta hefur í för með sér mikinn sársauka og gerir fólk óídýfufært það sem af er kvölds sem er skarð fyrir skildi á þessu helsta ídýfukvöldi ársins. Því er brýnt að fólk teygi úlnliðinn vel fyrir kvöldið og hiti upp með því að æfa þessa hreyfingu í 10-20 mínútur. Ef þetta er gert samviskusamlega þá ætti ekkert að vera því til fyrirstöðu að njóta kvöldsins og dýfa vægðarlaust í. Með þessum orðum þakka ég öllum þeim sem litið hafa inn á síðuna og óska þeim gæfuríks árs. Takk fyrir mig.
This entry was posted on laugardagur, desember 31, 2005 at 11:41 f.h.. | You can skip to the end and leave a response. 
