Þeir sem minna mega sín
Um jólin er tilvalin tími til að hugsa til þeirra sem minna mega sín. Ekki eru nefninlega allir sem háma í sig stórsteikur og sælgæti um jólin, þurfa jafnvel að hafa mikið fyrir því að fá eina kartöflu til að narta í. Fátæku börnin í Afríku, fórnarlömb jarðskjálftans í Pakistan, einstæðar mæður, eldri borgarar, fátækir námsmenn, David Hasselhoff. Allt eru þetta hópar sem þurfa um sárt að binda um jólin og geta ekki notið þeirra lífsgæða sem við flest hér á Íslandi þekkjum. Einn hópur vill svo gleymast um jólin. Þetta er hópur sem verður fyrir barðinu á fordómum og skilningsleysi, sérstaklega um jólin. Þetta eru vampírur. Við megum ekki gleyma lítilmagnanum um jólin. Hugleiðum þetta fólk og réttum þeim útrétta höndina þegar það þarf á henni að halda. Sniðugt væri til dæmis að gefa lítilli vampíru lítið jólaglas fullt af blóði úr eigin hendi. Það er dæmi um sannan jólaanda.
This entry was posted on fimmtudagur, desember 29, 2005 at 9:15 f.h.. | You can skip to the end and leave a response. 
