Í gírinn
Nú er að koma liðinu í gír fyrir helgina. Ég hef ákveðið að vera með dansþjálfun hér á síðunni en þetta er í fyrsta sinn sem slíkt fer fram á internetinu. Dansinn sem kenndur verður kallast leðurblökudansinn og hefur hann verið að ryðja sér til rúms á mörgum heitustu skemmtistöðum bæjarins. Heyrst hefur að Fjölnir Þorgeirs hafi stigið þennan magnaða dans á Pravda um síðastliðnu helgi við mikinn fögnuð sveittra gesta. En þá er ekkert að tvínóna við þetta, hér er lagið sem dansað er við og svo er bara að byrja þetta. Byrjað er á að setja sig í kynæsandi stellingu með því að skjóta mjöðminni fram og láta aðra höndina lafa létt á mjöðminni. Núna erum við öll tígrisdýr. Flott. Og takturinn byrjar og þá er að hrista mjaðmir hressilega með og brosa. Núna er annar fótur settur fram og hinn fylgir á eftir og hausinn er hristur til hliðar hratt. Göngum fram og síðan til baka með hausinn í hristing. Síðan er að reka út úr sér tunguna og blaðka höndum eins og kjúklingur. Því næst er öxlum yppt og ekki er verra að gefa frá sér búkhljóð. Öxlum er yppt á miklum hraða eins og við vitum ekkert. Gott. Það þykir mjög töff að slefa ákaft þegar hér er komið við sögu enda hamagangur mikill. Næst er hoppað upp og niður og slammað og flösunni hrist út um allt. Að lokum er gengið í hringi í sama stíl og göngugarpar. Mjöðmunum skotið fram í hverju skrefi og sleftaumurinn á að fara í hring. Flottast þykir að mynda slefhring og taka moonwalk inní honum. Restin er frjáls en mjaðmir mega aldrei nema staðar. Góða skemmtun.
This entry was posted on föstudagur, febrúar 25, 2005 at 5:44 f.h.. | You can skip to the end and leave a response. 
