Alexander (2004)
Stórmyndin Alexander var forsýnd í gær í Háskólabíói og var þokkaleg mæting í stóra sal.
Því miður þá virðist myndin þjást af því sama og hrjáir aðalsöguhetjuna, mikilmennskubrjálæði og skortur á átt. Ef þessi Alexander var mikill maður og áhugaverð persóna þá kemur það ekki fram í þessari mynd. Ég náði aldrei sambandi við hann og því var mér allan tímann alveg sama um hann. Ég kenni handritinu um auk þess sem myndin er allt of löng (3 tímar) miðað við efni. Leikarar eru mikið að reyna og fer Farrell þar fremstur með miklum ofleik. En því miður þá er ekki úr miklu að moða. Bardagasenurnar, sem kannski margir hafa áhuga að sjá eru vissulega mikilfenglegar en eru ruglingslegar og óspennandi auk þess sem þær skipta engu máli fyrir söguna. Ef einhver hefur áhuga á þessari mynd mæli ég sterklega með að hún verði séð á dvd heima í stofu.
This entry was posted on fimmtudagur, janúar 20, 2005 at 1:10 f.h.. | You can skip to the end and leave a response. 
