Hope of the States - The Lost Riots
Þessi hljómsveit kemur frá Bretlandi og er nafn sem fólk ætti að leggja á minnið sem hefur gaman af t.d. Muse og Sigur-Rós. Þetta er fyrsta platan þeirra og ég er ekki frá því að ég sé búinn að finna eina mögnuðustu plötu ársins. Svona held ég að Sigur-Rós myndi hljóma ef þeir væru rokkarar. Batteríin í píanóinu eru hvergi spöruð og ófá lögin eru einnig skreytt fiðluspili. Þeir geta verið ofboðslega kröftugir en detta inn á milli í rólegan og angurværan ham þar sem píanóið spilar jafnan stóra rullu. Þeir leggja mikla áherslu á sem stærstar útsetningar og því eru öll lögin miklar hljóðveislur. Ég er alveg að froðufella yfir þessu efni og hvet alla sem vettlingi geta valdið að kanna þessa menn. Þeir eru manna best með á nótunum. Gæsahúð ársins.
4,5/5
This entry was posted on fimmtudagur, desember 23, 2004 at 1:42 f.h.. | You can skip to the end and leave a response. 
