Endurvinnslan: sólin í suðri          <body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d8253453\x26blogName\x3dEndurvinnslan\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://endurvarpid.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://endurvarpid.blogspot.com/\x26vt\x3d3409340575811589944', where: document.getElementById("navbar-iframe-container"), id: "navbar-iframe" }); } }); </script>
 
  

Endurvinnslan

   

      
     
   

sólin í suðri

Já jæja maður verður nú að hripa eitthvað niður hér sunnan við miðbaug.
Þeir bjóða upp á ansvítans gómsæta mangóa hérna í kjörbúðinni sem stödd er hér í byggingunni. Alltaf þegar maður mætir eru mangóarnir grútlinir og útúrþroskaðir. Þetta ber ég inn í íbúð mína á þriðju hæð og sest við að sýsla þetta oní mig eins og rándýr með bráð dagsins. Ég sker þetta í báta og svo kjammsa ég á restinni óhræddur þangað til ég verð allur klístraður í kringim kjaftinn og með gular tægjur víðsvegar um andlit mitt.

Mangóar eru eitt- en nöfn eru annað. Þegar ég kynni mig fyrir nýju fólki hérna í landi kengúra þá færist yfirleitt mikil undrun yfir svip fólks. Eins og ég sé geimvera. Helmor? Sjamas? Hally? Æi mér er svo sem sama þótt þetta sé ekki borið rétt fram, bara ef kjarninn kemst einvern veginn til skila. Það er samt staðreynd að nafn mitt hljómar ægilega framandlegt fyrir flestum hérna og fólk á erfitt með að bera það fram. Þetta getur vissulega skapað rugling og því var ég að spá að enskufæra nafn mitt eins og vinkona mín hún Auður gerði (Auður er kannski enn verra að bera fram en mitt!?) og kallar sig nú Audrey. Það nafn sem mér datt í hug var Jelly. Ekki Helmut, það er ekki töff. En ég er að hugsa að halda mig bara við Hjalli. Helly eða Hally er líka bara fínt.

Ég keypti mér nýja diskinn með Goldfrapp um daginn, Seventh Tree. Borgaði líklega um 1200 kall fyrir hann. Það verður gaman að hlusta á hann enda er ég byrjaðu og lofar hann ágætlega. Unnar landi minn lánaði mér svo diskinn með Hjaltalín sem einnig verður krufinn til grafar ef til vill.

Í gær fór ég í svokallað "Amazing Race" á vegum þjónustu við erlenda nema hér við háskólann í Melbourne. Ég lenti í liði með amerísku pari, malasýskum strák og svo fenguð við "travel buddy" frá Kína (Freya) sem var einskonar leiðsögumaður eða hjálparhella. Við stóðum okkur gríðarlega vel og ferðuðumst vítt og breytt yfir víðáttumikla borgina og leystum ýmis verkefni. Hentum frisbí í mark, fluttum tónlistaratriði úti á götu (þar greip ég í máttlausann gítar og hamraði ákáft á), útbjuggum samloku á markaði og átum Veggie-Myte. Veggie-Myte þetta er vinsælt í morgunmat hér í Ástralíu sem smurálegg. Þetta er brúnt og ekki ósvipað þykkri súkkulaðisósu. Við máttum éta eina skeið af þessu eða klína því í fésið. Víkingurinn frá Íslandi ætlaði ekki að klína neinni súkkulaðisósu í nú þegar súkkulaðibrúnar kynnar og fyllti munn sinn af ókunnugu kremi þrátt fyrir varúðarköll félaga sinna. Bragðið af þessu er eitthvað það versta sem ég hef á ævinni fundið. Þetta var einfaldlega sjokkerandi viðbjóðslegt. Ég átti í mesta basli með að hreinsa þetta úr kjafti mínum, kyngdi þó öllu að lokum og skyrpti svo óbragðinu út úr mér. Andrew liðsfélagi minn bjargaði svo grettnum Íslendingnum með amerísku tyggigúmmíi. Sólin skein á meðan þessu stóð og var hitinn töluverður. Það var þó ekkert gefið eftir og hvergi stoppað við að eta eða drekka. Ekki lentum við í vinningssæti að þessu sinni en verðlaunin voru þó hiklaust að fá tækifæri til að kynnast borginni og nýju fólki. Og svo var maturinn eftir á líka ansi fínn svo að maður fór glaður heim á leið.





Í dag var svo enn einn veðurblíðudagurinn og náði hitinn líklega um 30 gráðum í dag. Við Skandínavarnir sem höfum myndað teymi skelltum okkur á ströndina til að ná okkur í rauðar flekkur og rauð nef. Það var yndislegt að liggja á ströndinni með góða bók (Rokland) og slaka á fyrir komandi námsár sem byrjar að alvöru á morgun. Já Íslendingurinn rauðhærði situr hér og ritar með rauða flekki vítt og breytt um líkamann og hugsar kaldhæðinn "Brennt barn forðast eldinn". En þetta er allt hið besta mál og ætla ég nú að draga mig í hlé.


´

Ég á í einhverjum vandræðum með að uploada myndir enda hafa myndir héðan verið af afar skornum skammti. Vonandi fer þetta að lagast. Hvar er annars best að vista myndir til að vísa svo í á bloggsíðu? Er það pbase?

Allavega ég vona að allir hafi það gott á Íslandi. Ég hef það allavega gott hér.
Bless.
                        
« Home | Next »
| Next »
| Next »
| Next »
| Next »
| Next »
| Next »
| Next »
| Next »
| Next »
                         
  
    |                          » Skrifa ummæli          
  


time life music
time life music