Þrautaganga Strumpana
Eftir heitar umræður á Hrólfurinn um barnaefni er ekki skrítið að fólk spyrji sig: Hvar eru strumparnir í dag? Þessi litmikli leikhópur sem gladdi hvert mannsbarn hér um árið með ævintýrum og skrípaleik hefur algjörlega horfið úr sviðsljóninu eins og hor eftir hnerra. Endurvinnslan fór á vettvang og komst á snoðir um konu nokkura sem býr í Breiðholtinu sem segir að engin annar en Æðstistrumpur sé að leigja íbúð í kjallara hússins. Konan, Eydís Símonardóttir flutti inn í fjölbýlishús í Hólunum síðasta haust. Hún segist ekki hafa verið mikið var við strumpinn enda fari lítið fyrir honum í kjallaraíbúðinni. Hún hafi þó nokkrum sinnum mætt honum og segir hún hann kurteisan en aldurinn sé farinn að láta sjá á sér. Eins og kunnugt er átti Strumpurinn Æðsti við drykkjuvandamál að etja lengi eftir að slitnaði upp úr sambandi þeirra Strympu sem var á sínum tíma það all-heitasta og bláasta samband sem sögur fara af. Eftir erfið slit virtist sá Æðsti draga sig inn í skel og leitaði efir huggun í Strumpa víni. 1999 leitaði hann sér þó hjálpar og svo virðist sem hann sé nú fluttur upp í Breiðholt þar sem hann lifir hæglátu lífi. Eydís segist einu sinni hafa orðið var við partý í kjallaranum og hafi ónæðið verið töluvert enda voru þar á ferð kumpánar á borð við Hrekkjustrump, Partýstrump og Drykkjustrump.
Strympa, sem lengi vel gagnrýndi harðlega þann karlaheim sem strumpaheimurinn var hefur lengi þurft að glíma við þunglyndi og erfiðan svefnsjúkdóm. Talið er að hún sé flutt úr landi og sé að reyna fyrir sér í bláum myndum sem ætti að henta henni nokkuð vel. Það er alveg komin tími á að Strumparnir komi saman aftur þrátt fyrir hin ýmsu vandamál sem komið hafa upp í þessum ástsælasta leikhóp fyrr og síðar.
This entry was posted on föstudagur, apríl 08, 2005 at 9:24 f.h.. | You can skip to the end and leave a response. 
