Ks ks ks
Það er ekki bara mannfólk sem les endurvinnsluna heldur hefur vinnslan nú komist í samband við kött nokkurn sem gaman hefur að því að glugga í síðuna. "Jú þetta er nokkuð hressandi síða en mér finnst Hjálmar nú oft vera full dómharður eins og að gera lítið úr auglýsingum FM957. Sjálfur hlusta ég mikið á FM og kemst alltaf í gott skap. Það er ekki bara góð tónlist eins og Will Smith og Jennifer Lopez heldur eru útvarpsmennirnir virkilega skemmtilegir líka. Ég veit fátt betra en að myrða eins og eina mús og dansa stríðsdans við gott lag með 50 Cents. En síðan er fín og ég mun halda áfram að fylgjast með uppátækjum Endurvinnslunnar. Hins vegar hlusta ég aldrei á þetta útvarp sem fylgir með. Ömurleg graðhestatónlist leikinn þar og hann spilar ekki einu sinni Í Svörtum Fötum! Hann veit greinilega ekki hvað er vinsælt í dag." Sagði Haraldur Brynjarsson köttur og formaður kattafélagsins í Kattholti.
This entry was posted on föstudagur, apríl 01, 2005 at 7:08 f.h.. | You can skip to the end and leave a response. 
