Munich (2005)
Steven Spielberg leikstýrir þessari kvikmynd sem er "innblásin" af þeim atburðum sem áttu sér stað á Ólympíuleikunum í Munchen 1972 þar sem 11 ísraelskir íþróttamenn voru teknir í gíslingu og síðar myrtir. Eric Bana leikur ísraelann Daniel Avner sem fengin er til að leiða hóp manna til að hafa hendur í hári hryðjuverkamannana.
Spielberg klikkar ekki á þessum efnivið og skilar frá sér magnaðri mynd sem er einstaklega sjónræn og vel gerð. Eric Bana fannst mér standa sig frábærlega og gerði hann aðalpersónuna mjög trúverðuga. En þó að umfjöllunarefnið séu hryðjuverk og morð þá er aðalfókusinn alltaf á persónunum og tilfinningum þeirra. Munich fjallar því um hvernig Avner tekst á við eigin gjörðir og aðstæður. Hún er mögnuð, hrífandi og spennandi og ég hvet fólk til að sjá hana áður en hún yfirgefur bíóhúsin.
This entry was posted on þriðjudagur, febrúar 14, 2006 at 4:47 f.h.. | You can skip to the end and leave a response. 
