Eins og ég er
Ef það hefur ekki komið fram hér áður þá elska ég tónlist. Sérstaklega finnst mér gaman að róta undir yfirborðið og reyna að finna eitthvað alveg sérstakt. Undanfarið hefur mér orðið ágengt í leit minni og ætla ég aðeins að drepa á því. Hljómsveitin Delays er að hrista upp í manni, þeir eru nýbúnir að gefa út plötu sem inniheldur hið brjálæðislega skemmtilega Cavalry sem er einhvers konar blanda af 80's fíling og Sissor Sisters. Á sömu plötu er síðan að finna hið helgrípandi Valentine. Tónlistin hefur sjaldan verið eins skemmtileg og upplífgandi og skemmtileg og hjá Delays. Til að róa sig niður eftir poppdjöfulganginn þá er ég með lagið Statues með The Open sem er fagursárt og ljúft lag sem minnir töluvert á Jeff Buckley. Ég er hvergi hættur. Held áfram á rólegu nótunum en það er gamalt og gott frá rafhljómsveitinni Lamb. Remix af laginu Gabriel af plötunni What sound. Sjúklega seiðandi lag sem veldur þyngdarleysi á annarlegum stöðum líkamans. Svo er það söngkonan Sia og lagið hennar Breathe Me
sem er nú auðmeltanlegt í hvaða maga sem er, sætt lag. Að lokum er það svo eitt diet rokklag sem grípur vel í eyrun. Hljómsveitin heitir The Upper Room og lagið er All over this Town. Og munið svo að stunda örugga hlustun og nota heyrnartól. Ach So.
This entry was posted on mánudagur, febrúar 20, 2006 at 2:02 e.h.. | You can skip to the end and leave a response. 
