Pokarotta
Það er ráðlagt að vera ekki mikið á ferli í almenningsgörðum borgarinnar þegar tekur að rökkva. Þá fara blóðþyrstar pokarottur á kreik sem svífast einskis í að tyggja á mannakjöti. Þessari einstöku mynd náði íslenskur námsmaður sem komst í hann krappann þegar hann varð umkringdur af sturluðum, hungruðum pokarottum. Þegar ein pokarottann byrjaði að kjammsa á skó hans tók hann þessa mynd felmtri sleginn. Flassið hræddi pokarotturnar frá svo að hann komst undan.
Nei svona í alvöru talað þá eru þessar pokarottur mestu krútt. Þær eru sísvangar og ekki hræddar við að nálgast mannfólk til að fá eitthvað í gogginn. Ég þarf að fara fljótlega með poka af mat handa þeim, spjalla við þær og ímynda mér hvernig er að vera pokarotta sem horfir í augun á mannrottu.