Niður-Hal
Hal var ekki boðið hlutverk í leikritinu Attempts on her life. Það var mjög viðeigandi. Ég átti ekki heima í þessu leikriti. Líklega hentar mér betur að taka þátt í leikriti þar sem er meira um samleik og hefðbundnar persónur. Maður hefur svosem nóg með að leika sjálfan sig. Ég er sem sagt núna að taka þátt í uppfærslu á leikriti sem fjallar um íslenskan mann á þrítugsaldri sem fer í nám í Ástralíu. Þar býðst honum að taka þátt í leikriti sem fjallar um íslenskan mann á þrítugsaldri sem fer í nám í Ástralíu og býðst þar hlutverk í leikriti sem fjallar um íslenskan mann á þrítugsaldri sem fer í nám til Ástralíu en býðst óvænt hlutverk í uppfærslu á leikriti sem fjallar um íslenskan mann...
Það er svosem ekki mikið að frétta af neðri hæðinni. Það er farið að kólna. Í gær fór hitinn í 38 gráður en í dag slefaði hann í um 26. Enda er kominn vetur.
Keypti mér Special K með hunangi og möndlum. Það er rosalega gott. Ef ég á erfitt með að vakna á morgnana leiði ég hugann að morgunkorninu og sprett á fætur.
Maður saknar soldið að hafa ótakmarkaðan aðgang að íslenska vatninu. Það fer ansi mikið af matarpeningum í vatn.
Annars er ég búinn að vera önnum kafinn við að læra. Strax byrjaður á lokaverkefninu. En ég fer í páskafrí á morgun og þá er sjens á að fara að gera eitthvað skemmtilegt.
Það er svosem ekki mikið að frétta af neðri hæðinni. Það er farið að kólna. Í gær fór hitinn í 38 gráður en í dag slefaði hann í um 26. Enda er kominn vetur.
Keypti mér Special K með hunangi og möndlum. Það er rosalega gott. Ef ég á erfitt með að vakna á morgnana leiði ég hugann að morgunkorninu og sprett á fætur.
Maður saknar soldið að hafa ótakmarkaðan aðgang að íslenska vatninu. Það fer ansi mikið af matarpeningum í vatn.
Annars er ég búinn að vera önnum kafinn við að læra. Strax byrjaður á lokaverkefninu. En ég fer í páskafrí á morgun og þá er sjens á að fara að gera eitthvað skemmtilegt.