V for Vendetta (2006)
Vaffið er mætt í bíó og nýtur stuðnings ekki ómerkari aðila en Natalie Portman, John Hurt og Stephen Rea.
Þessi mynd kom mér skemmtilega á óvart. Þetta er alls ekki þessi týpíska hasar- eða ofurhetjumynd þar sem ofbeldi og hasar er í fyrrúmi og annað ef til vill aðeins uppfyllingarefni á milli hasarsins. Hasarinn er settur í bakgrunn í þessari mynd á meðan persónurnar og sagan fá kastljósið. Mér fannst söguþráðurinn mjög áhugaverður og spennandi og hélt myndin mér allan tíma spenntum og ánægðum nema þá kannski rétt í byrjun. Eðal leikarar glæða síðan þessa fínu sögu lífi þar sem Natalie Portman sýnir enn og aftur hversu hæf leikkona hún er. Myndin fjallar í raun um hvernig hennar persóna þróast í gegnum atburðarrásina sem Vaffið síðan keyrir. Portman vann mig algjörlega á sitt band og með leik sínum skapaði hún persónu sem maður fann til með. Ég mæli eindregið með þessari mynd sem óvæntri og öðruvísi hasarmynd.
This entry was posted on fimmtudagur, mars 23, 2006 at 3:58 e.h.. | You can skip to the end and leave a response. 
