Fyrsta tilfinning: Franzarinn og Módarinn.
Hvernig þýðir maður "First impression"? Fyrsta.....Fyrsta skoðun? Fyrsta tilfinning kannski. Eftir sárafáar hlustanir á nýjustu afurð Skotanna í Franz Ferdinand (þú gætir haft það svo miklu betra) þá er ljóst að dúndurplata er hér á ferð og ég kann mun betur við hana heldur en frumburðinn þeirra. Þetta eru snillingar í að galdra fram helgrípandi lykkjur sem fá mann til að kippast einkennilega við. Virkilega skemtileg efni hér á ferð. Annað sem ég hef verið að smakka á er ný bragðtegund frá Depeche Mode, þeim rótgrónu rafpoppurum sem hafa marga fjöruna sopið. "Leikandi engilinn" (playing the angel) heitir gripurinn og er ansi seigur undir tönn. Þeir eru komnir í frekar drungalegan fíling á þessari plötu og maður þarf að vera þolinmóður við að tyggja á þessu. Í augnablikinu eru það Ferdinand bræður (vá hvað þeir eru hallærislegir sbr. myndbandið við "Do you want to") sem hafa betur en Depeche bræður en eins og ég talaði um í byrjun þá er þetta bara fyrsta tilfinning.
Hér er dúndurstuðandi lag af Ferdinand plötunni This Boy.
This entry was posted on miðvikudagur, nóvember 09, 2005 at 10:42 f.h.. | You can skip to the end and leave a response. 
