Áfallapartý
Kuldinn tekur enn vægðarlaust á móti manni öðru hverju hérna. Það kom einnig vatn úr skýjum í dag. Það er hins vegar komið sumar í eyranu á mér þar sem stuðboltarnir í Black Kids hafa tekið sér bólfestu. Þar leika þau og syngja plötuna sína Partie Traumatic og skammast sín hvergi fyrir það. Þessi plata er öflugur gírkassi í hvaða líkbíl sem er. Það er sett í fyrsta-annan-þriðja-fjórða-fimmta og allir lifna við. Sérstaklega er ég hrifinn af "Hit the heartbrakes", "Listen to your body tonight" og "I've underestimated my charm again".