Krúttlegir með silfur
Strákarnir náðu í silfur sem fyrir mót hefði þótt stórkostlegt og er auðvitað stórkostlegt en smá grátlegt hvað við vorum nálægt gullinu - þó að Frakkar hafi reyndar verið einu númeri of stórir fyrir okkur. Við vorum sjö Íslendingar sem komum okkur vel fyrir framan sjónvarp í setustofunni hérna í College Square til að horfa á leikinn. Leikurinn byrjaði vel og allir kátir en svo varð ljóst að við áttum ekki mikinn sjens og sérstaklega ekki þegar rykfrakkinn í markinu var eins og segulstál á boltann. Silfur er hins vegar almagnað.