Nas - Nas (2008)
Í sólinni í gær sat ég úti með mín heittelskuðu heyrnartól. Úr heyrnartólunum liggur snúra sem lá inn í ferðageislaspilara en þar snérist geisladiskurinn Nas frá samnefndum listamanni undir geislanum. Helvíti var ég ánægður með þennan grip. Þetta er algjört eðal hip-hop. Það sem gerir þetta eðal-vert er hvað þetta er fjölbreytt hjá kappanum, hann fær til liðs við sig góðar kvenraddir og er með skemmtileg og svöl sýni (sömpl). Svo er hann ekki fastur í því að rappa einungis um hvað hann sé harður nagli eins og svo margir heldur er hann aðallega að tala um þjóðfélagsaðstæður í Bandaríkjunum. Hann er ekki sáttur við kúgun, ójafnrétti, kynþáttafordóma o.s.frv. Það sem ég er að reyna að segja hérna er að Nas er Maðurinn.
This entry was posted on laugardagur, júlí 11, 2009 at 4:41 f.h.. | You can skip to the end and leave a response. 
