Endurvinnslan

Piparsveinn í dauðakippum

2011-07-25T21:33:00.000-07:00

Öflugir skjálftar mælast við piparsveinagljúfur í Hjálmarsfjöllum.

Piparsveinalífið er ljúft og erfitt að láta af hendi. Því hafa verið sterkir daupakippir í piparsveininum mér undanfarið. Rifrildi, röfl, tár, afbrýðissemi, eigingirni, frelsissvipting, peningar er eitthvað sem hefur verið tekið á. Ekkert verulegt tjón hefur hlotist af þó að vissulega hafi hlutum verið hent í gólfið og liðið yfir fólk.

Rólegt hefur verið á skjálftastöðunum undanfarin sólarhring. Hiti mælist 35° C og heiðskírt.

Owl and the Sparrow (2007)

2011-06-16T16:29:00.000-07:00

Hitti á þessa fínu kvikmynd sem kemur frá Víetnam. Þetta er lítil bíómynd með stórt hjarta, bara verulega vel gert.

X-men: First Class

2011-06-08T07:02:00.000-07:00

Mér fannst þessi mynd ekki vera af fyrsta klassa eins og titillinn gefur til kynna. Það vantaði alveg einhverjar töff persónur í þetta og mér fannst hún ekki sérstaklega spennandi. Og hvað var málið með stripparann með fiðrildavængi og gargandi unglinginn?

Phoenix - Lasso

2011-06-03T17:39:00.000-07:00

Frakkarnir í Phoenix eru töff og þetta lag uber svalt !

Flash of Genius (2008)

2011-06-03T17:27:00.000-07:00

Fínasta mynd sem ég sá sem er byggð á sönnum atburðum. Ford bílarisinn á að hafa stolið hugmynd uppfinningamanns á rúðuþurrkum sem stoppa á milli þurrkana. Hana nú. Uppfinningamaðurinn alveg brjálaður, ákveður að berjast við Ford og heldur betur sekkur sér ofan í baráttuna þannig að hann fjarlægist fjölskylduna, hættir að vinna, skilur við konuna, fær taugaáfall og ég veit ekki hvað og hvað. En flott því hann vildi ekki láta viðgangast yfirgang og lygar stórfyrirtækisins. Greg Kinnear leikur karlinn og er flottur.

Póstkort frá ungum manni

2011-06-02T07:20:00.000-07:00

Ég sendi nú ekki mörg póstkort frá Kína en mikið var þessi plata með Manic Street Preachers mikill gleðigjafi þegar hún kom út á síðasta ári.

Eins og margir þá kynntist ég Manics fyrst þegar ég heyrði A design for Life á X-inu á unglingsárunum. Þetta lag var meira og minna sándtrakkið fyrir eldri unglingsárin mín og gerðist ég undir eins fylgismaður Manics. Það er eitthvað við melódíurnar og röddina hans James Dean Bradfield sem lyftir mér alltaf upp.

Það er því við hæfi að spila þetta gamla lag og svo eitt af nýju plötunni. Manic Street Preachers Amen.

Those Dancing Days

2011-06-01T11:23:00.000-07:00

Þetta er sænskt stelpnaband sem voru að gefa út plötu nr. 2, Daydreams & Nightmares. Þetta hljómar nokkuð frambærilega hjá þeim og hér er lagiðI'll be yours

Aumingja reykingamenn

2011-06-01T11:15:00.000-07:00

Það er alltaf sama bragðið af þessum sígarettum. Dettur engum í hug að selja sígarettur með súkkulaði, banana eða kannski cappucino og slá þar væri flugur í einu höggi. Óþarfi að fá sér kaffi líka. Ég sé fyrir mér að próteinsbættar, ginseng, koffín sígarettur gæti orðið vinsælar. Í nokkrum bragðtegundum að sjálfsögðu.

Þú ert ferðamaður

2011-05-29T13:12:00.001-07:00

Þeir eru helvíti seigir í Death Cab for cutie og þetta nýja lag þeirra afar viðkunnanlegt. Nýja platan heitir Codes and Keys og er eitthvað sem ég ætla mér að sjálfsögðu að tjekka á.

Adele

2011-05-29T12:45:00.000-07:00

Það er nú meira hvað hún er fyrirferðarmikil þessa dagana hún Adele. Talað um að hún sé valdamesta söngkonan í dag. Það er jákvætt að hún sé svona vinsæl, hún semur sjálf og þarf ekki að koma fram á G-streng til að ná athygli. Ég hef hlustað á báðar plöturnar hennar, fékk fljótt leið á þeirri fyrri en sú nýja á alveg smá inni. En þess má geta þess að Adele er bara 23 ára.

Hér flytur hún Turning Tables af plötunni 21.

Miðnætursólin

2011-05-27T17:09:00.000-07:00

The Sounds er sænskt band sem er ágætlega með á nótunum. Nota stundum skemmtilega hljómborð sem minnir á eitthvað frá áttunda áratugnum. Fjórar plötur komnar út frá þeim, sú síðasta kom út á þessu ári sem ég á nú eftir að tjekka á. Tvær þar á undan hef ég hins vegar hlustað á og geta þau alveg hresst mig ágætlega.

Hér er Midnight Sun

Iron Monkey (1993)

2011-05-26T15:51:00.000-07:00

Endurvinnslan mælir með þessari kvikmynd frá Hong Kong. Fullt af flottu og flippuðu kung-fu, skemmtilegar persónur og húmor. Eðal kínversk skemmtun.

Þó viðbjóðsleg ameríska treiler röddin.

Turin Brakes

2011-05-26T12:08:00.000-07:00

Maður getur alltaf treyst Turin Brakes til að færa manni þægilegar og grípandi plötur. Þeir kláruðu plötuna Outbursts á síðasta ári og hef ég verið að grípa í hana öðru hvoru þegar maður þarf að fá eilítið mjúka stemningu. Eitthvað heimilislegt og kunnuglegt við þetta hjá þeim.

Hér er lagið Apocolips

Bob Dylan sjötugur (Superstar)

2011-05-25T14:44:00.000-07:00

Dylan er sjötugur í dag. Í tilefni dagsins ætla ég að spila lagið Superstar með Ghostface Killah. Hver veit nema að Draugfési hafi verið að hugsa um Dylan þegar hann samdi þetta fallega lag. Þarna má líka heyra í ÍslandsVininum knáa Busta Rhymes.

En fyrir þá sem ekki vita þá er Dylan einn meðlima Ríó Tríó og þekktur fyrir að sniffa hárgel af mikilli áfergju.

The Hangover 3

2011-05-25T14:10:00.000-07:00

Ég er með snilldar hugmynd af mynd sem heitir The Hangover 3.

Þeir félagar vakna á tunglinu. Vita ekkert hahaha djöfull voru þeir fullir í gær. Ekkert smá flippaðir gæjar. Einn gaurinn verður ekki með búk, bara svona höfuð sem rúllar um og segir eitthvað dónalegt (útúr sinnepað að sjá höfuð blóta mikið, segja mikið um þvag og óformaðar hægðir til dæmis), einn gaurinn verður orðinn að Alf þarna brúðu geimverunni hahah óheppinn sá fær ekki mikið að setja hann á næstunni ;), sá þriðji talar með geðveikt hárri rödd enda búið að gelda hann (úps). Asíski gaurinn æsti verður þarna líka en hann er orðin sombí og étur brjóstin á Dolly Parton sem verður þarna í sprenghlægilegu cameo hlutverki. Getur ekki klikkað. Svo verður þarna hestur með standpínu og graður naggrís. Restin semur sig sjálf. Somebody call a director!

Age of Adz

2011-05-25T14:06:00.000-07:00

Hefur einhver rekist á Sufjan Stevens plötuna mína?

Hér er lagið "I walked" af plötunni Age of Adz. Sufjan Stevens er 35 ára Detroid maður og þykir vel með á nótunum. Hann hefur gefið út helling af efni þessi maður, mest allt mjög áhugavert. Ég var einn af þeim sem hlustaði mikið á Illinois plötuna hans. Þessi tónlist er þó þannig að maður þarf að vera í sérstöku skapi til að njóta hennar. Þannig er ég ekki búinn að sjá margar skýrar línur út úr þessari nýjustu plötu hans.

Fast Five ilmvatnið

2011-05-25T13:49:00.000-07:00

Ég fór að illri nauðsyn að sjá kvikmyndina Fast Five. Górillur að keyra bíla. Hratt. Fast Six verður örugglega í þrívídd.

Framtíðin í kvikmyndaafþreyjingu er ilmsprey bíó. Þá er ekki aðeins hægt að horfa á kvikmyndina heldur líka finna lykt sem tengist kvikmyndinni. Þannig má finna nóg af svitafýlu í hasarmyndum (Fast Five væri þar með sterkri svitafýlu), nóg af vinsælum ilmvötnum og rakspírum í rómantískum gamanmyndum (gæti einnig verið auglýsing á ilmvötnum: Jennifer Lopez lyktin var El Vial v.2.5), prumpu, kúka- og ælufýla (sæðisfýla?) í grófum gamanmyndum (The Hangover pt. 3: Einn vaknar með sæði í hárinu og svo ælir félagi hans í hárið gæti orðið flottur effekt), brunalykt í stríðsmyndum, og nóg af rakspíra (old spice) í pólitískum drama myndum (JFK var með Gillette Old Spice ilminn sem fæst í Vesturbæjarapóteki). Eins og sjá má eru möguleikarnir endalusir og ljóst að þetta gæti trekkt gesti í bíó. Þá verður bókstaflega hægt að hafa nef fyrir góðum bíómyndum.

Eyrnakonfekt

2011-05-10T11:06:00.000-07:00

Hlustaði aðeins á King of Limbs. Allavega flott fyrstu tvö lögin, Morning Mr. Magpie er með geðveikt undirspil, flott ofsóknar-danslag.

Svo ekki nóg með það en Fleet Foxes, Guillemots og Beastie Boys allar búnar að gefa út glóðvolgar plötur. Maður er í hálfgerðri geðshræringu yfir þessu öllu saman. Þyrfti að fá mér einn róandi banana.

Hún

2011-05-09T09:57:00.000-07:00

Hún getur látið mér líða svo illa og svo vel. Þetta hlýtur að vera ást.

Dagfarsprýði

2011-05-05T10:25:00.000-07:00

DREPA DREPA DREPA

Tæknilegar vangaveltur

2011-05-05T09:52:00.000-07:00

Þessi síða er best skoðuð með Brosávör v.7.1.

Nei! Hún er best skoðuð með Internet Explorer.

Endurvinnslan komin í gang

2011-05-05T09:39:00.000-07:00

Ég vil óska landsmönnum til hamingju með að menningar- og lífsleikni síðan Endurvinnslan er nú komin aftur á vefinn. Fyrir þá sem ekki þekkja til Endurvinnslunar er hér á ferð síða sem fjallar um allt það sem engu máli skiptir og er því kærkomin viðbót í fjölmiðlaflóruna íslensku. Umsjónarmaður síðunnar er sem fyrr lífskúnstnerinn, sælkerinn, rauðhausinn, hinn velraddaði og vel girti Hjálmar S. Ásbjörnsson. Má fastlega búast við því að hann komist í kast við lögin með skrifum sínum eins og hann er þekktur fyrir.

Góðar stundir.

Lokun?

2010-02-04T03:59:00.000-08:00

Líklega verður ekki ritað meira á þessa síðu í bili þar sem ég er farinn til Kína og blogger.com er lokað þar en vonandi get ég opnað nýja bloggsíðu þar fyrir austan..

Heyrumst

Bestir í heimi

2010-02-01T10:43:00.000-08:00

Að mínu mati er Radiohead besta starfandi hljómsveitin í heiminum í dag. Og hananú. Lagið sem fylgir er af síðustu plötu þeirra In Rainbows sem er mikið meistarastykki. Lagið fáránlega flott og heitir Reckoner.

Up in the Air (2009)

2010-01-31T12:54:00.000-08:00

Þessi mynd er búin að vera mikið nefnd í sambandi við ýmis kvikmyndaverðlaun og hefur hlotið töluvert lof gagnrýnenda. Í myndinni leikur George Clooney mann sem sífellt er á ferðinni (vinnur fyrir fyrirtæki við að segja upp starfsfólki) og hefur þá heimsspeki (og heldur fyrirlestra um þessa speki) að annað fólk og hlutir séu óþarfa þyngsli í farangri fólks.
Mér fannst þessi mynd ágæt. Ágætlega skemmtileg og nokkrir ágætis punktar sem hún kemur með en þó tiltölulega máttlaus við að hrífa mig á einhvern hátt.

500 Days of Summer (2009)

2010-01-29T03:54:00.000-08:00

Hér er á ferð bráðskemmtileg mynd sem enn hefur ekki sést á Íslandi. Fjallar hún um gaur sem vinnur við að búa til kveðjukort ("Til lukku með barnið!"). Tom trúir á sanna ást og að það sé aðeins ein "hin rétta". Dag einn hittir hann stúlkuna Summer (leikin af söng-leik-konunni Zooey Deschanel) og verður ástfangin af henni. Samband þeirra verður hins vegar engin dans á rósum og þarf Tom að lokum að endurskoða hugmyndir sínar um ást.

Mér fannst þetta mjög skemmtileg mynd og sannari en margar af þeim svokölluðu "rómantísku gamanmyndum" sem reglulega koma á sjónarsviðið. Þó kannski að endirinn hafi verið frekar ótrúlegur þá í heildina fannst mér hún áhugaverð stúdía á þeirri flækju sem þessi "ást" getur verið. Tónlistin í myndinni er frábær og aðalleikararnir heillandi og fyndin (Joseph Gordon-Levitt er frekar líkur Heath Ledger).

Invictus (2009)

2010-01-28T13:45:00.000-08:00

Gamli kúrekinn Clint Eastwood er orðinn á meðal heitustu leikstjórum Hollywood eftir vel heppnaðar myndir á borð við Mystic River, Changeling og Gran Torino. Nýjasta myndin hans heitir Invictus og fjallar um þegar suður-afríka sameinaðist yfir ruðningsliði sínu á heimsmeistarakeppninnni í ruðningi árið 1995. Morgan Freeman leikur fyrrverandi forseta S-Afríku, Nelson Mandela og Matt Damon leikur fyrirliða ruðningsliðsins.
Þetta er ágæt mynd sem sýnir hvað íþróttir hafa mikinn kraft til að sameina þjóðir. Þó að þessi samstaða S-Afríku yfir ruðningsliði sínu hafi klárlega ekki útrýmt kynþáttafordómum þá var þetta hugsanlega eitt skref hjá þessari þjóð í átt að jafnara samfélagi.
Þetta er ekki eins mikil þungavigtarmynd og aðrar myndir Eastwood en alveg ágætt hjá honum að koma þessari sögu á hvíta tjaldið. Bara verst hvað ruðningur er leiðinleg íþrótt!

Áfram Ísland!

Ótti

2010-01-28T04:32:00.000-08:00

Ótti er ein óþægilegasta tilfinningin sem til er. Hún er því mjög góð í að fæla fólk frá því sem það óttast. Mest allt mitt líf hef ég látið ótta stjórna mér. Núna er ég hins vegar kominn með það viðhorf að gera allt sem ég hræðist. Þannig sigrast maður á sjálfum sér.

meira

2010-01-26T15:43:00.000-08:00

Ég er líka á því að þessi "kreppa" sé illnauðsynleg og jafnvel holl. Við erum búin að vera alltof góð við okkur sjálf. Að borða fyrir okkur er afþreyjing og löngu hætt að vera séð í sínum upphaflega tilgangi, það er að gefa lífverunni orku til að lifa. Það þarf ekki annað en að horfa til Haíti og sjá hvað kvörtunin um að eiga ekki flottann síma er fáránleg. Og ef bumbann rýrnar eitthvað á meðan þá er það bara hið besta mál.

Maður fann alveg þrýstinginn fyrir hrun ef maður var með gamlan síma eða gamlan tölvuskjá. Þetta átti víst að vera eitthvað "hallærislegt". Mér finnst miklu meira hallærislegt að hafa ekki vit í að sjá í gegnum að markaðurinn er að taka mann í rassaboruna. Það er eins og fólk hafi verið hætt að ráða sér sjálft og látið stjórnast af einhverri markaðshyggju. Það drepst engin við það að eiga túbusjónvarp.

Aðeins um kreppuna

2010-01-26T15:30:00.000-08:00

Ég veit ekki hvort hefur verið talað um hrunið út frá kynjafræðilegum sjónarmiðum. Ég sá reyndar að RÚV var með pælingar um að persónuleikaþátturinn Siðblinda væri hugsanlega útbreiddur meðal þeirra sem stunduðu glæfralega fjármálastarfssemi. Og jú, ég er nokkuð viss um að karlar eru líklegri til að hafa þetta persónuleikaeinkenni. En annað "persónuleikaeinkenni" sem ég hef á tilfinningunni að hafi spilað hlutverk er "karlmennskan". Áhættusækni, völd, peningar, ábyrgðarleysi eru hlutir sem passa ágætlega inn í staðalmyndina af karlmönnum. Alvöru karlmaður tekur sjensa, er engin kjelling sem alltaf er að hugsa um afleiðingar. En þessir "alvöru" karlmenn þurfa nú rækilega að þrífa saurinn af bakinu.

Ég er á því að betra þjóðfélag verði til þegar manneskjur eru farnar að tileinka sér það besta úr karl og kven ímyndinni. Þegar næst á jafnvægi Yin og Yang.

Vampire Weekend

2010-01-19T09:48:00.001-08:00

Fyrsta stóra plata ársins er líklega önnur plata Vampire Weekend en hún nefnist Contra. Vampire Weekend komu sterkir til leiks snemma árs 2008 með samnefnda plötu og unnu þeir það sér til frægðar að hressa fólk með hnyttnum laglínum og textum. Á nýju plötunni er svipaða hressingarformúlu að finna og sýnist mér fólk vera að taka þessari plötu vel. Mér finnst allavega bráðhressandi lagið White Sky. Tjekkið á því og fyrsta singlinum líka.

The Road (2009)

2010-01-14T15:30:00.000-08:00

The Road er kvikmynd eftir Ástralann John Hillcoat en hann á að baki hína fínu The Proposition.
Þetta er mjög átakanleg mynd, hæg, drungaleg og óhugnarleg. Hún er glæsilega gerð, vel leikin og hugljúf. Kjarninn fannst mér vera ást föður og sonar. Og þetta heppnaðist bara mjög vel.

Bestu plöturnar 2009

2010-01-08T13:09:00.001-08:00

Það er ekki seinna vænna að birta þennan vísindalega lista sem var reiknaður út með tölfræðiforritinu SPSS.

10 Raekwon - Only Built 4 Cuban Lynx pt. 2

09 Camera Obscura - My Maudlin Career

08 The Mars Volta - Octahedron

07 Manic Street Preachers - Journal for Plague Lovers

06 Pearl Jam - Backspacer

05 Leaves - We are Shadows

04 Mew - No More Stories..

03 Tegan and Sara - Sainthood

02 Muse - The Resistance

01 Patrick Wolf - The Bachelor

Eitt af lögum ársins 2009

2010-01-08T13:04:00.000-08:00

Þetta lag með Fleet Foxes er vafalaust með betri lögum ársins 2009 og gleymdi ég því á árslistanum mínum. Svo heyrði ég í dag ansi skemmtilegt lag með Kings of Convenience og læt það einnig fylgja.

Bestu myndirnar 2009

2010-01-07T09:35:00.001-08:00

Þá er komið að þessu að kreista út úr mér listanum mínum yfir hvað mér fannst hvað best á árinu 2009 í kvikmyndum af því sem ég sá.

10. The Hurt Locker

09. Broken Embraces

08. Watchmen

07. District 9

06. Avatar

05. Ingloriuous Basterds

04. City of Life and Death

03. AntiChrist

02. Bruno

01. Let the Right One in

gleymdi P.T. Anderson

2010-01-07T09:27:00.000-08:00

Ég klikkaði á að hafa Magnolia á listanum mínum yfir bestu kvikmyndir áratugarins. Mig minnti að hún væri frá 1999 sem er rétt en hún kom út árið 2000 í bíó á Íslandi.

Tobey Maguire halelújah

2010-01-04T15:11:00.000-08:00

Nýlega hef ég horft á þrjár mjög áhugaverðar kvikmyndir.

Thirst
Fyrst var það nýjasta myndin frá Chanwook Park sem hefur gert nokkrar frábærar eins og Sympathy for Mr. Vengeance og Oldboy. Núna gerði hann vampírumynd þar sem prestur nokkur fær í sig vampíruveiruna og verður í meira lagi syndugur. Ég varð fyrir smá vonbrigðum með þessa. Fannst hún ekki eins flott og margar aðrar frá honum.

Broken Embraces
Nýjasta myndin frá Almodovar er ljómandi fín með Penelope Cruz í essinu sínu.

Brothers
Þetta er myndin! Endurgerð á danskri mynd (sem ég hef ekki séð) með Jake Gyllenhaal, Natalie Portman og Tobey Maguire sem er skuggalega góður í þessari mynd (Óskarsverðlauntilnefning yfirvofandi). Þetta er með sterkari myndum sem ég séð lengi. Þessi treiler er reyndar ekki alveg í samræmi við myndina og fyrri hlutinn alltof væmin.

Simplicity reigns

2010-01-03T09:07:00.001-08:00

Líf mitt er held ég nokkuð einfalt. Ég tel samt að ég þurfi að einfalda það enn frekar. Einfaldleikinn er góður.

Uppáhalds lög ársins 2009

2010-01-02T15:03:00.001-08:00

Abrakadabra! Og ég hef gert listann minn yfir uppáhalds lögin mín fyrir árið 2009.

20. Grizzly Bear - Two Weeks

19. Yeah Yeah Yeahs - Heads will Roll

18. Tegan and Sara - The Cure

17. Patrick Watson - Fireweed

16. The Mars Volta - Cotopaxi

15. Dikta - From now on

14. Hjaltalín - Stay by you

13. Bat for Lashes - Daniel

12. Raekwon - New Wu

11. Alexander Rybak - Fairytale

10. Doves - Kingdom of Rust

09. Manic Street Preachers - Jackie Collins Existential Question Time

08. Leaves - Aeronaut

07. Animal Collective - My Girls

06. Empire of the Sun - We are the People

05. Pearl Jam - Just Breathe

04. The Noisettes - Never Forget You

03. Patrick Wolf - Hard Times

02. Muse - Uprising

01. The Mars Volta - With Twilight as my Guide

Uppáhalds myndir áratugarins

2009-12-28T15:53:00.000-08:00

Gott kvöld. Mér finnst það ágætlega til fundið að búa til lista yfir þær kvikmyndir sem mér finnst bestar frá þessum áratug sem nú er að renna undir lok. Það er óhjákvæmilegt að gleyma einhverjum myndum en ef þær gleymast þá eiga þær kannski ekki erindi á svona dýrindis lista.

10 Bruno (USA;2009)
Ég var mikið að velta fyrir mér hvort ég ætti að hafa Borat eða Bruno á þessum lista. Að enda verð ég að viðurkenna að ég er algjör sökker fyrir þessari kvikmynd, því mér finnst ádeilan beinskeyttari ásamt því að Cohen lagði meira á sig fyrir þessa, sem skilaði sér í gapandi skemmtun.

09 The Dark Knight (USA;2008)
Það var einstök upplifun að fá að sjá þessa kvikmynd í iMax kvikmyndahúsi í Melbourne á síðasta ári. Ein flottasta ofurhetjumynd sem gerð hefur verið og Ledger í ódauðlegri frammistöðu.

08 Pan's Labyrinth (Spánn; 2006)
Del Toro beitir mjög frumlegri leið til að sýna sigur sakleysis og ímyndunarafls yfir ljótleika og grimmd mannsins.

07 Eternal Sunshine of the Spotless Mind (Bandaríkin; 2004)
Skemmtileg og hugljúf sýn inn í mannshugann leidd af leiftrandi samleiks Winslet og Carrey. Skemmtilegri mynd um tapaða ást og kraft minninga er vandfundin.

06 In the Mood for Love (Hong Kong; 2000)
Þegar ég sá þessa mynd fyrst fannst mér hún ekkert spes. En eins og með góða tónlist þá þarf að melta hana áður en hægt er að ná utan um vel smíðaðar laglínur. Þessi mynd Wong Kar-Wai er undurfalleg laglína um forboðna ást.

05 Oldboy (S-Kórea; 2003)
Chanwook Park gerði nokkrar fínar myndir á þessum áratug. Í Oldboy nær hann þó fullkomnun með frábærri hugmynd og frábærlega gerðri drama og spennumynd.

04 21 Grams (Bandaríkin; 2003)
Rosalegt drama sem ég féll kylliflatur fyrir.

03 Brokeback Mountain (Bandaríkin; 2005)
Mjög falleg vina og ástarsaga. Ang Lee gerði þessa umtöluðu og hugrökku mynd sem hitti ekki bara í mark heldur líka í hjörtu bíógesta. Allavega mitt hjarta.

02 Requiem for a Dream (Bandaríkin; 2000)
Þessi tragedía frá Darren Aronofsky er með sorglegri myndum sem maður hefur séð. Rosalega flott og kröftug meðhöndlun á umfangsefnum eins og einmanaleika, firringu og fíkn.

01 Crouching Tiger, Hidden Dragon (Kína; 2000)
Ang Lee er greinilega maður áratugarins. Ég hef nokkuð mörgum sinnum horft á þessa mynd og alltaf vekur hún jafn mikla hrifningu hjá mér. Þetta er mynd sem hefur allt. Frábæra saga, kvikmyndataka, bardagaatriði, dramatík, ást og húmor.

Í spilaranum

2009-12-28T05:31:00.000-08:00

Mér finnst afar notalegt um hátíðirnar að liggja uppi í sófa og horfa á kvikmyndir, kannski japplandi á smákökum. Ég hef náð að glápa á nokkrar í kringum þessi jól og margar hverjar mjög frambærilegar myndir. Ein sú magnaðasta sem ég horfði á var City of Life and Death en þetta er kínversk mynd sem kom út á þessu ári. Fjallar hún um þá slátrun sem átti sér stað í þáverandi höfuðborg Kína, Nanjing. Japanir réðust inn í Kína árið 1937 og frömdu þeir ólýsanleg voðaverk í þessari borg, nauðgandi og drepandi almenna borgara. 250-300.000 manns var slátrað í þessari borg og er talað um að aðeins um 30 manns hafi lifað þetta af. En þessi kvikmynd er mjög vönduð og óhætt að segja að hér sé komin Schindler's List þeirra kínverja.

City of Life and Death (2009)

Elizabeth (1998)

Metropolis (2001)

Che Part 1 (2008)

Rouge (1987)

Ashes of Time (1994)

2009-12-23T14:32:00.000-08:00

Mikið er þetta svöl og falleg mynd.

Redemption

2009-12-22T12:29:00.000-08:00

Plata Muse pilta, The Resistance verður ofarlega á mínum lista yfir bestu plötur ársins. Ég læt hér fylgja síðasta lagið á þeirri plötu en þetta lag fær hjarta mitt til að stoppa. Það skal þó tekið fram að hjartað hélt áfram að slá eftir þetta stopp og er það vel.

Avatar (2009)

2009-12-20T06:06:00.000-08:00

Það var óróleiki og spenna í loftinu fyrir utan sal 1 í Smárabíói í gærkvöldi þegar fólkið beið eftir að sjá nýjustu ævintýramyndina frá James Cameron.
Upp fóru svörtu þrívíddargleraugun (sem fengu sessunaut minn til að líta út eins og Peter Sellers) og inní heim Pandóru sökk maður. Þetta er tæknilegt listaverk sem Cameron hefur skapað, það er engum blöðum um það að fletta. Þrívíddartæknin gerir mikið til að hjálpa áhorfandanum að finnast hann vera líka að uppgötva þennan heillandi heim. Mér fannst fyrri hluti myndarinnar betri, þegar aðalhetjan er að skoða sig um í þessum nýja fallega og töfrandi heim. Seinni hlutinn var kunnuglegur, en þá byrjar stríðið á milli manna og Navi búa (með tilheyrandi stríðsræðu). Ég var mjög sáttur við þessa kvikmyndareynslu. Óður Cameron til náttúrunnar er mikilfenglegur og á hann skilið að fá sleikjó fyrir þetta.

S

2009-12-15T02:36:00.000-08:00

Ég bið Guð að fyrirgefa mínar syndir svo ég geti haldið þeim áfram.

Jólalögin

2009-12-14T15:58:00.000-08:00

Þá er komið að þessum jólalögum sem allir hafa verið að bíða eftir.

Gjfabúðin (The Zahir)

2009-12-14T15:46:00.000-08:00

Sumir hlutir koma til manns. Sumt fólk kemur til manns. Sumir staðir kalla á mann. Sumt snertir mann. Allt í kring eru þessir hlutir sem geta leitt mann á ýmsar leiðir. Ég held að maður þurfi að vera vakandi og opinn fyrir tækifærum og því sem kemur til manns. Vera alltaf með opinn faðminn og þá opnast leiðir á töfrandi staði.

Eitt af því sem kom til mín nýlega er bókin The Zahir. Þetta var reyndar í sumar minnir mig. Þá fór ég vegna vinnu minnar niður í bæ á kaffihús. Á labbi upp Skólavörðustíginn fundum við í bakgarði lítið hús með opnum inngangi og fyrir ofan innganginn stóð eitthvað eins og "gjafabúð". Þetta var óinnréttað rými með berum steinveggjum. Þarna voru allskonar hlutir. Föt, bækur, spólur, gamall myndlykill og annað sem ég man ekki. En þetta var allt gefins til þess sem vildi hýsa það. Ég tók mér tvær bækur á enskri tungu. Aðra bókina nennti ég ekki að lesa og gaf vinkonu minni hana. Hina bókina tók ég heim og geymdi hana upp í hillu. Núna er ég loksins byrjaður að lesa þessa bók og ég er þakklátur fyrir að hún hafi komið til mín. Ég veit ekki alveg hvað hún fjallar um sem er gott. En það sem hún segir kannast ég eitthvað við.

Nobody Knows (2004)

2009-12-13T14:51:00.000-08:00

Þetta er japönsk mynd sem byggð er á sönnum atburðum þegar einstæð móðir yfirgaf fjögur börn sín með hörmulegunm afleiðingum. Í myndinni þarf Akira, 12 ára að sjá um þrjú yngri systkini sín þegar mamman yfirgefur þau. Rosa falleg mynd en líka sorgleg.

Mikil lukka er það að geta horft á þessa mynd á Youtube.

Pétur Björn og Jón og annað slíkt

2009-12-13T11:06:00.001-08:00

Nú hef ég legið í músíkinni mikið í dag. Maður er að renna yfir hvað hefur verið að gerast á þessu ári í tónlistinni. Það sem mér finnst eftirtektarvert er að ég hef ekki uppgötvað marga nýja tónlistarmenn á þessu ári. Það eru aðilar sem hafa áður verið að gera góða hluti sem einnig hafa gert góða hluti á þessu ári.

Peter Björn og John voru einir af þeim sem gáfu út plötu á árinu. Sú plata, Living Thing hefur nú ekki verið að heilla mig. Hins vegar finnst mér þetta lag mikið spark í fésið. Vídjóið er heldur engin jarðarför.

A Serious Man (2009)

2009-12-08T14:34:00.000-08:00

Það hefur farið nokkuð lítið fyrir þessari nýju mynd Coen bræðra. Enda svosem engir sætir og frægir leikarar til að trekkja að. Engu að síður kíkti ég á hana.
Brosleg einkennilegheit og furðulega fyndnar persónur eru til staðar í þessari mynd, eitthvað sem Coen bræður hafa gert að sínu sérmerki. Hins vegar fannst mér sagan ekki eins táldragandi og áður hjá þeim og þó að hún hafi verið ágætlega skemmtileg fannst mér vanta afgerandi hæðir í myndina.

Ninja Assassin (2009)

2009-12-04T10:10:00.000-08:00

Ég fór á forsýningu á þessari kvikmynd í gær þar sem ég vann miða á hana á X-inu. Ég vissi lítið um hana en komst svo að því að hún er eftir sama leikstjóra og gerði V for Vendetta sem hljómaði nú ágætlega.
Þessi mynd er samt í töluvert lægri klassa en V. Það eru nokkur flott slagsmálaatriði (blóðið sem fossaði í myndinni var þó oft gervilegt) en restin var óeftirtektarverð. Myndin er fyrirsjáanleg og mér fannst full frjálslega farið með yfirnáttúrulega krafta þessara Ninja. Eins og ég og sessunatur minn vorum sammála um er nokkuð ljóst að maður hefði steinsofnað yfir þessari mynd ef maður hefði horft á hana í sjónvarpinu heima.

Það er þó gamana að minnast á að það er poppstjarnan, Rain, sem leikur aðalhlutverkið í myndinni en sá kappi er frá Suður-Kóreu og er víst rosa vinsæll tónlistarmaður í Asíu. Ég tjekkaði aðeins á tónlistinni hans en hún er viðbjóður. Hann var þó mikilvægur þegar hann lék í hinni skemmtilegu I'm a Cyborg but that's ok.

Patrick Wolf - The Bachelor (2009)

2009-11-29T13:40:00.000-08:00

Það er nokkuð öruggt að þessi plata verður á lista mínum yfir bestu plötur ársins. Fáránlega djúsí elektró-fiðlu-ópera frá þessum breska þúsundþjalasmið.

Þetta lag er náttúrulega bara ævintýri.

All About Lily Chou-Chou (2001)

2009-11-28T16:54:00.001-08:00

Þetta er japönsk kvikmynd frá 2001 sem ég horfði á nýlega. Þetta er saga um unglinga sem ganga í sama skóla og eiga við mismunandi vandamál að glíma. Sögupersónurnar eiga það sameiginlegt að halda mikið upp á söngkonu sem heitir í myndinni Lily Chou-Chou.
Þetta er frekar óvenjuleg mynd. Ég finn ekki réttu orðin til að lýsa henni, sem er kannski bara gott. Hún er allavega krefjandi og tregafull.

Tónlistin í myndinni heillaði mig algjörlega og niðurhalaði ég sándtrakkinu. Það er japönsk söngkona sem heitir Salyu sem sér um söngin en hún átti eitt lag í myndinni Kill Bill eftir Quentin Tarantino. Annars er tónlistin eftir tónskáldið Takeshi Kobayashi og einnig er notast við klassíska tónlist frá Claude Debussy. Mikið um töfrandi píanóspil, trega og dramatík á þessu sándtrakki sem ég ætla að hlusta meira á.

Friður

2009-11-28T11:29:00.000-08:00

Friður á jörðu...je ræt.

Plötur sem mótuðu mig Pt. 2. Rage Againnst the Machine - Rage Against the Machine (1992)

2009-11-28T10:58:00.001-08:00

Ég er í raun bara að taka saman bestu plötur sem ég hef heyrt um ævina. En auðvitað eru það þær plötur sem móta mann ásamt því að sjá um tónlistina í lífi manns á ákveðnum skeiðum.

En ég hef nokkuð sterkar minningar frá þessari fyrstu plötu Rage Against the Machine. Ég man að ég keypti hana á Akureyri ekki mjög langt eftir að hún kom út. Það sem ég gerði var að skella henni í græjurnar, taka upp svart vasaljós með löngu mjóu skafti og mæmaði svo Zach De La Rocha í speglinum. Þetta fannst mér voða gaman þangað til að pabbi og frændi minn löbbuðu inn á mig. Ég skammaðist mín mikið. En þessi plata setti mikinn svip á þetta tímabil lífs míns enda þrælmögnuð plata, með mögnuðu sándi og svölum lögum.

Á umslaginu má sjá víetnamskan búddamúnk sem kveikti í sér árið 1963 til að mótmæla kúgun víetnamskra stjórnvalda á búddistum.

Tímaritið Q innihélt þessa plötu í upptalningu á 1001 plötu sem þú verður að heyra áður en þú deyrð og Rolling Stone innihélt þessa plötu í upptalningu á 500 bestu plötum allra tíma.

Sjálfgagnrýni

2009-11-28T09:09:00.000-08:00

Mér finnst þetta leiðinleg síða.

Fréttir

2009-11-27T14:25:00.000-08:00

Fréttir eru bara fínni útgáfa af slúðri þar sem vitnað er í tölfræði.

Tegan and Sara - Sainthood (2009)

2009-11-26T15:27:00.000-08:00

Systurnar sætu voru að gefa út nýja plötu sem fer vel í mitt taugakerfi. Hér er gott dæmi um mjög flott lag af þessari spánýju og sjóðheitu plötu. Þær eru algjörir snillingar að búa til litlar stuttar laglínur sem bræða grílukerti af frosnu taugakerfi.

kynskipti

2009-11-26T14:54:00.000-08:00

Ég er náttúrulega handónýtur í að eiga samskipti við hitt kynið. Ég er sennilega talinn of kurteis og þar af leiðandi hlýt ég að vera hommi. Svo ber ég með mér eiginleika sem einnig gefa til kynna að ég sé hommi. Ekkert að því. En varðandi samskiptin þá hef ég ekki hugmynd hvernig maður orðar það á réttan hátt þegar maður spyr kvenmann hvort hann vilji hafa samfarir. Hér eru nokkrar tillögur að slíkri beiðni.

1. Viljið þér sænga með mér frú/fröken (væntanlega skiptir aldur máli þarna hvort er notað)?
2. Má bjóða þér létta serðingu með undirrituðum?
3. Hafið þér áhuga á að skunda með mér í bólið?
4. Langar þér að deila aðgangi að kynfærum um dulitla stund?
5. Frú mín góð! Leyfist mér að gerast svo djarfur að biðja um skaut þitt mér til ánægju?
6. Hvað kostar forréttur, aðalréttur og eftirréttur? (og er eftirrétturinn með rjóma?)
7. Veistu um lottótölur kvöldsins?
8. Hvernig líst þér á að leggjast með mér?
9. Ert þú eitthvað fyrir erótík?
10. Er ekki málið að afklæðast nú og hefja tafarlaust ástarleik?

2012

2009-11-25T15:31:00.000-08:00

Ég skellti mér á þessa og fannst mér hún ágæt. Stundum er bara í lagi að myndir séu kjánalegar og mér fannst ágætt að horfa á þetta á meðan ég skóflaði í mig poppkorni. Þeir sem voru að búast við gáfulegri mynd um jarðfræði og fjölskyldu-dýnamík eru eitthvað að misskilja Roland Emmerich. Woody Harrelson kom líka sterkur og skemmtilegur inn í flippuðu hlutverki.

Built to Spill - There is no Enemy (2009)

2009-11-23T06:14:00.000-08:00

Þessi plata hefur verið að gleðja mitt hratt sláandi tónlistarhjarta undanfarið. Þetta er fyrsta platan sem ég heyri með þessu bandi en þeir koma frá Bandaríkjunum. Þessi fær meðmæli Endurvinnslunar sem áhugavert stöff.

Rangfærsla

2009-11-23T06:02:00.001-08:00

Ég verð nú að vera aðeins ósammála síðustu færslu en margt sem er einhvers virði er vel aðgengilegt.

Skítur og Demantar

2009-11-22T05:55:00.000-08:00

Er það kannski svo að allt sem er raunverulega einhvers virði er að öllu jöfnu svo óaðgengilegt að maður þarf að vera snarklikkaður til að feta sig í átt að því?

Það sem ég er að reyna að segja er að það er svo mikið að aðgengilegum skít en demantar eru faldir djúpt inni í einhverjum frumskógum í afríku (þar sem eru mannætur).

Plötur sem mótuðu mig Pt. 1. Michael Jackson - Bad (1987)

2009-11-20T03:45:00.000-08:00

Það var ekki fyrr en tveimur árum eftir útgáfu þessarar plötu að ég fékk hana í hendurnar, reyndar á kasettuformi. Ég var smávaxinn, tágrannur drengur í hvítum strigaskóm í sinni fyrstu utanlandsferð. Eftir að Bad var kominn í vasadiskóið var ekki aftur snúið. Mér fannst þetta hrikalega töff og réð hvergi við limi eða rödd og dansaði og söng með slögurum eins og Bad, Man in the Mirror og Smooth Criminal.

Að mínu mati er Bad einhver besta poppplata sem gefin hefur verið út og gott að ég uppgötvapi hana svona tiltölulega snemma, eða þegar ég var 8 ára. Ég læt fylgja hér nokkur minna þekkt lög af þessari mögnuðu plötu.

Það sem maður gerir ef maður hefur ekkert betra að gera

2009-11-18T11:38:00.000-08:00

10. fer í viðskiptafræði
9. Les spennusögu eftir sænskan rithöfund
8. Hringir á útvarp Sögu
7. Fer í stjórnmál
6. verslar í Tiger
5. öppdeitar status á Facebook
4. spilar Friends spilið
3. pantar sér rússneska póstbrúður
2. lærir kínversku
1. Gerir lista um það sem maður gerir ef maður hefur ekkert betra að gera

Svo þú heldur að þú getir verið óþolandi?

2009-11-16T15:53:00.000-08:00

Það eina sem raunveruleikasjónvarp hefur kennt okkur er að fólk verður óþolandi þegar myndavélum er stillt upp fyrir framan það.

Þessi hugsun flaug í gegnum huga minn þegar ég horfði með sársauka á "dansþáttinn" So you think you can dance sem er klárlega malbikspizza dagsins.

China Rises

2009-11-15T12:19:00.001-08:00

Ég er kominn á bólakaf í magnaða heimildarmynd um Kína sem hægt er að horfa á á Youtube. Kína er það land sem hefur verið í hvað mestri framþróun undanfarin ár og er hagkerfið þeirra að stækka með hverju árinu. Þessi heimildarmynd fjallar um hvaða áhrif þessi hagvöxtur og framþróun hefur fyrir fólk þessa fjölmennasta lands í heimi. Það er ein spurning sem mér finnst áhugaverð í sambandi við þetta og það er hvort að rík þjóð sé endilega betri þjóð. Vissulega hafa lífsskilyrði batnað til muna fyrir fullt af fólki. En það er hugsanlegt að þegar það að verða ríkur er orðið markmið í sjálfu sér að önnur mannlegri og innihaldsríkari gildi gleymist. En bara hugleiðing, ég mæli eindregið með þessari mynd.

Sjálfur hugsa ég mér gott til glóðarinnar á frægðarför til drekans í austri. Maður verður nú að vera vinveittur Kínverjunum þar sem þeir eru jú að fara að taka yfir heiminn. Zai jian.

Heimurinn eða þar um bil

2009-11-15T12:11:00.000-08:00

Þegar maður var lítill strákur fannst manni heimurinn svo flókinn. Maður skildi ekki hvernig þetta fullorðna fólk gat verið í vinnu, eignast börn og farið til útlanda. Þvílíkir kraftar! Maður hélt að pólitík væri borg í Pólland. En í dag er maður smátt og smátt að ná meira utan um hvað er að gerast. Og það er ekki að maður sé að verða gáfaðri og gáfaðri heldur er maður að komast að því hvað þetta er mikil tálsýn. Heimurinn er nefninlega sára einfaldur.

Caché

2009-11-13T14:55:00.000-08:00

Þessa mynd var ég að horfa á. Ég hafði áhuga á henni því hún er eftir sama leikstjórann og gerði Funny Games. Eins og maður bjóst við er enginn Will Ferrell í þessari mynd og það er mikil jarðarfarastemning sem svífur yfir vötnum. Mér fannst hún engu að síður töluvert mögnuð og spennandi.

Hin myndin sem ég horfði á nýlega heitir The Maid og er hrollvekja frá Singapore. Í henni er mikill hamagangur og sótt illilega að saklausri húshjálparstelpu. Hávaðinn og djöfulgangurinn skelkaði mann alveg aðeins en þetta varð full kjánalegt undir lokin.

Náttúran kallar

2009-11-11T15:44:00.000-08:00

Stundum segir líkaminn minn eftirfarandi við mig "Hjalli, þú þarft að fara að maka þig með kvendýri". Það er augljóst að líkami minn vill að ég frjói kvenmann með sæði mínu. Allt í umhverfi mínu segir mér að leita uppi þennan kvenmann. Ég held samt að það sé ekki beinasta leiðin að minni hamingju. Það er gamall graður api inní mér sem ég nenni stundum ekki að hlusta á, enda er hann bara með eitt á heilanum.

I'm a Cyborg but that's ok (2007)

2009-11-10T15:14:00.000-08:00

Hér er brot úr þessari stórskemmtilegu mynd eftir leikstjórann sem gerði Oldboy og fleiri eðal myndir frá Kóreu. Þessi gerist að miklu leyti á geðdeild og inni í höfðinu á ungri stúlku sem heldur að hún sé vélmenni. Hægt er að nálgast myndina í fullri lengd á Youtube.

Töffararokk

2009-11-10T15:06:00.000-08:00

Smá töffararokk í kroppinn hefur engan skaðað.

This is it (2009)

2009-11-10T14:45:00.000-08:00

Þá er komið að kveðjustund herra Jackson. Ég sá myndina í kvöld og fannst gaman að horfa á hana. Ég sá að það var einlægur ásetningur að ætla að gera flotta tónleika. En stundum gerast hlutirnir ekki eins og við ætluðum. Ég vil þakka þér herra Jackson fyrir frábæra skemmtun og innblástur í gegnum árin. Þú átt margt í mér.

Þinn vinur,
Hjalli

Norwegian Wood

2009-11-08T12:17:00.000-08:00

Ég er í skýjunum með nýlesna Norwegian Wood. Nú er víetnamski leikstjórinn Tran Anh Hung að kvikmynda aðlögun sína að skáldsögunni og finnst mér þetta mjög viðeigandi blanda. Hung er snillingur í að framkalla stemningu og andrúmsloft í myndum sínum og ætti því að gera þeirri ljúfsáru, erótísku stemningu sem Murakami skapar í bók sinni góð skil.

Tvær mynda Hung má horfa á á Youtube en það eru þær The Scent of Green Papaya (1993) og Vertical Ray of the Sun (2000) sem ég kláraði nýlega og er rosa flott.

Half Nelson

2009-11-02T12:32:00.000-08:00

Lítil eðalkvikmynd hér á ferð með snillingnum Ryan Gosling en hann fékk óskarstilnefningu fyrir þetta hlutverk. Hann leikur kennara í blökkumannahverfi sem á við fíknivandamál að stríða. Maðurinn á í miklum vandræðum með að tengjast fólki en einn nemanda hans virðist hafa tröllatrú á honum þrátt fyrir að vita að hann sé dópisti.

Eins og ég segi þá er þetta algjör eðalkvikmynd, sæt, sorgleg og fyndin.

Hér er hressandi keiluskot úr Lars and the real Girl en þar er Gosling einnig í góðum gír.

Endurvinnslan

2009-10-30T12:29:00.000-07:00

Ef ég væri með útvarpsþátt í kvöld myndi ég örugglega spila þessi lög.

The Raveonettes - Last Dance

The Mamas and Papas - California Dreaming

Mew - Hawaii

Patrick Watson - Fireweed

Brendan Benson - Garbage Day

Faye Wong - Dreams (Cranberries cover)

Tegan and Sara - Hell

Muse - The Resistance

The Clientele - Bonfires of the Heath

Hjaltalín - Stay by you

Amy Winehouse - Love is a Losing Game

Þar höfum við það.

Chungking Express

2009-10-29T05:01:00.000-07:00

Lengi hefur mig langað að sjá þessa mynd sem er ein af höfuðverkum Wong Kar-Wai. Þetta ætlaði að takast um daginn þegar mér áskotnaðist dvd diskur með myndinni. Mér til vonbrigða var hins vegar bara þýskur og kínverskur texti á myndinni. Nýlega leitaði ég hana uppi á Youtube og fann útgáfu með enskum texta. Horfði ég því á hana þar en mér til mikillar mæðu gat ég ekki spilað síðasta bútinn. Þannig að ennþá hefur mér ekki tekist að horfa á þessa mynd til enda. Hún er hins vegar mikið eyrna og augnakonfekt og gaman að henni. Lagið California Dreamin spilar stórt hlutverk í myndinni og hressir þetta laglega. Hér er þetta lag og brot úr myndinni.

Mew - No More Stories..

2009-10-22T04:57:00.000-07:00

Nýja plata dönsku drengjanna í Mew er að sperra í mér eyrun. Þetta er þétt plata. Hún grípur ekki strax en með endurteknum hlustunum kemur í ljós gríðarlega flott og fjölbreytt plata. Þannig á þessi plata eftir að endast vel og lengi. Í síðustu yfirferð fannst mér lög 6 og 7 alveg dáleiðandi töff. Og hér eru þau..

Silas the magic car

Cartoons and Macreme Wounds

Bókmenntahornið

2009-10-19T17:08:00.000-07:00

Ég er nú ekki þekktur bókmenntafræðingur en undanfarið hef ég lesið tvær bækur sem mér finnst þess virði að tjá mig um á þessum vettvangi. Eru þetta Glæpur og Refsing eftir Dostojevskí og Mindfulness in Plain English eftir Gunaratana nokkurn.

Fyrri bókin er ein af þekktustu og virtustu skáldsögum síðari tíma og gerist að miklu leyti í hugarheimi námsmannsins Raskolnikof sem fremur ansi kaldrifjaðan glæp. En mér fannst mjög gaman að lesa þessa bók og þó hún nái hátt í 500 blaðsíður er hún alls ekki torlesin og flæðir gríðarlega vel.

Hin bókin er ekki skáldsaga heldur fjallar hún um ákveðna hugleiðslu aðferð og heimsspekina á bak við hana. Þessi aðferð og heimsspeki kemur úr Búddhisma og hefur þessi tækni notið töluverða vinsælda í sálfræðimeðferðum, svo sem við kvíða og borderline persónuleikaröskun. Hins vegar talar bókin til allra, hvort sem þeir eiga við eitthvert skilgreint vandamál að stríða eða ekki. Mindfulness er æfing sem ætluð er til að kyrra hugann. Ef við gerum ráð fyrir að hugurinn sé eins og glas með gruggugu vatni, þar sem þetta grugguga eru þráhyggjur, dagdraumar, áhyggjur, hræðsla, fordómar, öfund, græðgi o.s.frv. þá gerist það þegar við látum glasið bara standa kjurrt að þetta grugguga fellur á botninn og vatnið verður tært. Þannig að ef við komum okkur fyrir á hljóðlátum stað þar sem við verðum ekki trufluð og einbeitum okkur að andardrætti okkar, sem er tilvalinn til að skrúfa okkur niður í hér-og-nú augnablikið getum við byrjað að kyrra hugann. En það sem meira er þá kennir Mindfulness okkur að horfa á upplifanir okkar án þess að dæma þær og án þess að halda í eða forðast upplifanir eða tilfinningar. Ef einhver hugsun kemur upp í hugann þá tökum við eftir hvenær hún byrjar, hvað hún stendur yfir lengi og þegar hún fer. Þessi aðferð kemur í veg fyrir að láta hugsanir verða að þráhyggjum og að þær nái taki á tilfinningum okkar. Að sjá heiminn skýrt eins og hann er, án þess að dæma hluti sem góða eða slæma og án þess að reyna sífellt að halda í góða hluti og forðast slæma hluti, er eitthvað sem Mindfulness snýst um. Og smám saman verður hægt að lifa meira í núinu og njóta þannig lífsins meira. Þetta er mjög vel skrifuð bók og ég allavega heillaðist af röksemdarfærslunni og er farinn að prufa mig áfram í þessari hugleiðslutækni.

Hérna er hægt að lesa eitthvað í bókinni á Google books: Mindfulness

Svo er ég byrjaður að lesa japanska höfundinn Haruki Murakami sem þykir voða fínn. Fyrsta bókin sem ég les eftir hann heitir South of the border, west of the sun og segir frá minningum aðalpersónunnar þar sem hann rifjar upp samskipti sín við konur í gegnum líf sitt. Nokkuð hressandi stöff verð ég að segja.

Xmas

2009-10-18T09:40:00.000-07:00

Það er búið að fjarlægja Krist úr jólunum og setja X í staðinn.

Hvort þetta segir okkur eitthvað ætla ég að láta kyrrt liggja.

Tónlistin talar sínu máli í þetta sinn

2009-10-16T10:24:00.000-07:00

Orphan

2009-10-11T15:48:00.000-07:00

Á þessari mynd borðaði ég mikið popp.

En annars er Orphan ágætlega heppnaður taugatrekkjari sem býður ekki upp á neitt nýtt í þessum geira bregðutrylla. Tvímælalaust er mesti kostur myndarinnar ótrúleg frammistaða aðalleikkonunnar, hinni 12 ára Isabelle Fuhrman.

Lars and the Real Girl

2009-10-11T09:55:00.000-07:00

Þessi mynd er snilld. Svo einfalt finnst mér það vera. Ryan Gosling sýnir hér frábæra frammistöðu og er þetta orðin ein af mínum uppáhalds leikara frammistöðum.

Hér er hægt að horfa á myndina á kínverska Youtube, sem heitir youku.com

Lars and the Real Girl

Fruit Bats

2009-10-09T05:50:00.001-07:00

Félagarnir í Fruit Bats voru að gefa út The Ruminant Band. Þetta er afar þægileg popptónlist sem þeir gefa frá sér sem hentar vel til myndunar þægindastemningar. Ég tel þessa menn nokkuð mikilvæga. Hér er smjörþefurinn af þessu. Hunsið þetta rugl á undan lögunum.

Raekwon

2009-10-06T16:05:00.001-07:00

Nýjasta plata Raekwon er að gera allt vitlaust í hip hop heiminum. Enda hressir þetta mann og annan.

New Wu

Kiss the Ring

Einmanaleikinn

2009-10-04T14:28:00.000-07:00

Eina lækningin við einmanaleika er að finnast maður hluti af lífinu, og sjá það sem maður á sameiginlegt með öðrum lífverum. Ó hve fagurt það er! Þetta leiðir af sér að maður getur farið að elska aðra, en best er að elska alla. Þetta er betri leið en til dæmis að serða aðra manneskju.

Og þannig mælti ég, þetta sunnudagskvöld í lífinu.

Umferðarljósin á kvöldin

2009-10-04T14:21:00.000-07:00

Stundum er mikil kyrrð fólgin í því að keyra um götur bæjarins á kvöldin. Umferðarljósin, þau þjóna sínum tilgangi samviskusamlega ásamt að gefa okkur skemmtilega liti í umhverfið. Finna hönd sína á stýrinu. Fara í hálfhring inn á Reykjanesbraut. Hlusta á andardrátt sinn sem stundum virðist það eina vissa í heimi hér. Og auðvitað með glæpamannarappið í botni.

glimmer og glens

2009-10-04T10:08:00.000-07:00

Sykurhúðaði sleikjópinninn Mika er mættur aftur og hann er eins og nammi, gott en líklega óhollt fyrir mann. Neinei hann er allavega hress.

Djöfull var ég Manic Street Preacheraður í gær enda afar sáttur við Journal for Plague Lovers. Ég er búinn að vera áhangandi lengi og hafa þeir fylgt mér í gegnum súrt og sætt. Hér er eitt af þessari fínu plötu.

Svo er Andrés Önd eitt af menningargersemum heimsins. Þetta horfði maður á sem ungur strákur og sem ungur strákur í dag hef ég enn gaman að ærslagangi Andrésar.

Tölvuleikir sem ættu að floppa

2009-09-26T12:00:00.000-07:00

Garbage Man: The Revenge
Láttu ruslið finna fyrir því! Þessi stórskemmtilegi fyrsta persónu ruslatínsluleikur inniheldur ótrúlega raunsæja grafík úr helstu stórborgum heims. Tíndu upp rusl í París, Amsterdam og New York. Bónus stig fyrir að finna sprautunálar, smokka og notuð dömubindi. Segðu ruslinu stríð á hendur og spilaðu hinn frábæra Garbage Man: The Revenge strax í dag!

Lottery 2010
Þrælmagnaður leikur úr smiðju þeirra Sims manna en nú geturu keypt lottómiða í hverri viku og aldrei fengið vinning, alveg eins og í raunveruleikanum! Fáðu svo reiðiskast á húsgögnum, heimilisdýrum, ja eða bara fjölskyldunni. Lottó hefur aldrei verið eins raunverulegt! Já lifið er lotterí.

Now hiring
Nú geturu leitað að starfi í þessum spennuþrungna leik. Skoðaðu atvinnuauglýsingar, farðu í atvinnuviðtöl, gerðu ferilskrá og margt fleira starfstengt í þessum leik sem Gameweek hefur kallað: "Svar tölvuleikja við kreppunni".

Business Apocalypse
Nú loksins geturu stjórnað glæfralegri fjármálastarfssemi úr tölvunni heima! Stjórnaðu banka, lánaðu vinum þínum, láttu græðgina ná yfirhöndinni, veldu þér jeppa, jakkaföt og einkaþotu. Settu heil löndin á hausinn, eins og Andorra, Sri Lanka, Eþíópíu, Kasakstan eða Ísland (sem er reyndar léttasta borðið). Frábær skemmtun þar sem allt snýst um að týna siðferðinu og finna verðbréfin.

We Protest
Já nú er hann loksins komin á markað þessi strategíu leikur þar sem þú stjórnar mótmælendaskaranum í baráttunni við pólitíkusana. Alls kyns möguleikar í boði svo sem val á búsáhöldum, margir litir á málningu, mjólkurvörur, egg og fleira. Öll fjölskyldan getur skemmt sér og hlegið þegar skyrið flýgur í fésið á einhverju fólki.

Beep Beep
Þessi leikur hefur verið mörg ár í vinnslu og loksins er hann tilbúinn. Þú stjórnar afgreiðslukassa í kjörbúð. Renndu hlutum eins og sjampói, rúgbrauði, hundamat eða sultu í gegnum geislann. Lentu í deilum um vörumerkingar og skiptimynt. hvernig meðhöndlaru heyrnarlausan aldraðan einstakling? Hvað með krakkann sem ætlar að stela uppþvottahönskum? Frábær hlutverkaleikur þar sem allt snýst um að renna helvítis vörunni í gegnum geislann. Frábær dægradvöl!

I Belong to You

2009-09-25T16:30:00.000-07:00

Þetta lag greip í eyrað og hjartað á mér í dag.

Eyrnanammi

2009-09-25T04:15:00.000-07:00

Auðvitað er það Muse platan sem á hug minn og hjarta þessa dagana. Var að horfa á myndbandið við Uprising og er það smekklegt stöff. Ekki frá því að Bellamy hafi bætt aðeins á sig, sem er fínt. Muse eru að fara að hita upp fyrir U2 og er það svosem allt í lagi. Mér finnst bara augljóst að það ætti náttúrulega að vera á hinn veginn.
En svo er slatti af öðru í gangi.

Muse

2009-09-18T10:40:00.000-07:00

Mér varð hálf bumbult þegar ég sá upphæðina á verðmiðanum á nýjum Muse disk í Skífunni. 3800 krónur takk fyrir. Ég hætti bara við að kaupa hann, fór rakleitt heim og niðurhalaði honum. Þetta er ekki fólki bjóðandi.

Antichrist (2009)

2009-09-13T15:14:00.001-07:00

Þetta er önnur myndin sem ég sé eftir danann Lars Von Trier. Þessi á, eins og margar myndir Von Trier, eftir að verða umdeild. Þetta er nefninlega mjög óaðgengileg mynd, þ.e.a.a.s. maður fær ekki netta innpakkaða gjöf heldur fær maður heldur eitthvað eins og draum eða martröð sem maður þarf sjálfur að ráða úr. Þeir sem eru vel að sér í trúarbragðafræðum gætu hugsanlega lesið meira úr myndinni en aðrir. En burtséð frá trúarlegum tilvísunum þá er þetta líka sálfræði þar sem hleypt er ljósi á skuggahliðar mannsins. Myndin reynir mjög á þolrifin í manni á köflum þar sem óþægilegt andrúmsloftið blandast mjög opinskáum limlestingum. Það er alveg óhætt að segja að margt í þessari mynd hefur maður ekki séð áður í kvikmyndum. Þannig skulu viðkvæmar sálir halda sig heimafyrir.
Eins og abstrakt málverk má deila um ágæti þessarar myndar og fer niðurstaða hvers og eins eftir alls kyns persónulegum þáttum. Ég ætla hins vegar bara að segja að ég fagna svona kvikmyndagerð og hvað sem Von Trier er að segja með þessari mynd, þá gerir hann að krafti.

A Bittersweet Life (2005)

2009-09-09T16:41:00.000-07:00

Þrælmögnuð mynd að mér fannst. Að kalla þetta gangstera mynd segir ekki nógu mikið því þarna eru einnig vísanir í bardagalistamyndir og jafnvel vestra. Það mætti kannski lýsa þessu sem nútíma vestra frá Kóreu. Alblóðug að sjálfsögðu en líka snjöll. Virkilega flott mynd og magnaður endasprettur sem minnti nú bara á lokaatriðið í Scarface. Tveir þumlar komnir á loft.

Það er hægt að horfa á myndina á Youtube en gæðin eru nú ekkert frábær..

Muse - The Resistance

2009-09-08T07:21:00.000-07:00

Það lítur allt út fyrir að hjartanu verði engin vægð sýnd þegar maður kemur til með að hlusta á nýju plötuna frá Muse. Platan er byrjuð að fá rífandi dóma í vefmiðlum og greinilegt samkvæmt umfjöllunum að nýja efnið er talsvert frábrugðið fyrra efni. Meiri rafmagn, meiri epík, meiri Muse.

Tvær viku

2009-09-06T17:48:00.000-07:00

Þetta er líklega besta lagið sem ég hlustaði á á þessum þægilega sunnudegi.

In the Mood for Love (2000)

2009-09-05T10:30:00.000-07:00

Þessi mynd er ein af dáðustu myndum Wong Kar-Wai sem er líklega frægasti leikstjórinn frá Hong Kong ásamt John Woo. Þeir eiga hins vegar fátt sameiginlegt annað en að vera ættaðir frá sömu borg.
In the Mood for Love er listrænt og tilfinningalegt rúnk af hæsta gæðaflokki. Lúmsk og falleg kvikmyndagerð sem undirstrikar það mikilvægi sem kvikmyndir hafa í að endurskapa raunverulegar tilfinningar en líka að sýna fegurð lífsins með þeim aðferðum sem kvikmyndagerðarmenn hafa yfir að ráða. Þetta finnst mér þessi kvikmynd ná að gera.

Tónlistin í myndinni spilar stórt hlutverk og er aðalstefið alveg yndislegt.

A Tale of Two Sisters (2003)

2009-09-05T10:19:00.000-07:00

Hér er á ferð dramatísk hrollvekja ættuð frá Kóreu. Alveg sæmilega ógnvekjandi en mér fannst einhverjum spurningum ósvarað.

Spider Forest (2004)

2009-09-01T13:35:00.001-07:00

Hér er á ferðinni allsvakalegur sálfræðitryllir frá Kóreu. Ég skildi hana nú ekki alveg enda horfði ég á hana í full mörgum bútum. Hins vegar þrælflott, drungaleg og dramatísk mynd.

Hér er hægt að horfa á myndina í vel ásættanlegum gæðum:

Inglourious Basterds

2009-09-01T13:33:00.001-07:00

Tarantino heldur áfram að fullkomna poppkornsmiðilinn...og drepur í leiðinni nokkra vel valda nasista.